U martuan në mesin e muajit shkurt dhe po kalojnë kohët më të bukura të jetës së tyre. Aktori turk, Tolgahan Sayisman dhe Missi shqiptar, Almeda Abazi janë kthyer në Stamboll nga Los Angeles, ku bënë edhe dasmën.
Duke folur për postimet e shumta në median sociale, Abazi tha me shaka se “ka shumë gjëra të tjera që dua të postoj, por nuk më jep leje Tolga”.
Ndërsa Tolgahan tha se Almeda kishte qenë me Gallatasarajn para se të martohej, ndërsa tashmë ishte me Fenerbahçen, pasi ai është një ndjekës fanatik i asaj skuadre.
Kjo bëri që media turke të raportonte se Tolgahan ka vendosur “kufizime” për Almedën, si në median sociale ashtu edhe në sport. Ata vazhdojnë të jenë një ndër çiftet më të ndjekura të showbizit në Turqi.
