Rehabilitimi pas shembjes/ Fazat e ndërtimit të murit të Kalasë së Durrësit (VIDEO)

23/05/2020 - 12:10

Vazhdon puna për zbatimin e projektit për restaurimin e pjesëve të dëmtuara të murit të kalasë së Durrësit. Teksa punimet janë ende në fazën e parë dhe gjatë javës tjetër pritet të fillojë faza II, deri më tani është kryer me sukses me anë të vinçave lëvizja e gurëve masivë e të rëndë, që u shkëputën nga muri i kullës C, si pasojë e goditjeve fatale të tërmetit të 26 nëntorit.

Inxhinieri zbatues i punimeve, Lulzim Sinu, thotë se është “kryer pastrimi i territorit nga mbetjet e dëmtuara, në mënyrë që ato të përshtaten, të rregullohen dhe të vendosen përsëri në objekt”.

Ndërkohë që vijon të kryhet me kujdes të veçantë spostimi i materialeve anash murit, po pastrohet hapësira për të vijuar me përgatitjen e fazës pasardhëse që ka të bëjë me ndërhyrjen.

Punimet kanë filluar pas gati gjashtë muajsh nga goditja shkatërruese e tërmetit, ndërsa në krye të projektit është caktuar organizata jofitimprurëse “CHwB” Albania, që merret me restaurimin e trashëgimisë kulturore dhe bashkëpunimin me muzeumet. Zbatuesi i punimeve është AD-STAR sh.p.k., ndërsa mbikëqyrës është Instituti Kombëtar i Trashëgimisë Kulturore. Vlera e investimit kap shifrën 2,001,400 lekë, teksa është parashikuar që kohëzgjatja e punimeve të përfundojë brenda 60 ditëve.

FAZAT E NDËRTIMIT

Kulla C u rrëzua pjesërisht nga tërmeti i datës 26 nëntor 2019. Midis rrënojave mund të dallohen qartë teknikat e ndërtimit të fazave të ndryshme ndërtimore si dhe ndërhyrjeve të tjera më të vogla në periudha të ndryshme.

Punimet për ktë fazë të projektit përfshijnë punime për stabilizimin e përkohshëm, ku përfshihen:

-Sigurimi i sitit – mbrojtja emergjente, rrethimi

-Hartimi i zgjidhjes së skelerisë mbështetëse dhe ndihmëse

-Zbatimi i skelerisë mbështetëse dhe ndihmëse për strukturën që ka qëndruar

-Ndërtimi i një strukture të përkohshme mbulese të lehtë për të mbrojtur fragmentet e rëna dhe krijimi i një platforme pune për analizën dhe dokumentimin e tyre të mëtejshëm.

*Kjo kala mbetet simbol i lashtësisë e qytetërimeve të qytetit bregdetar. I gjithë muri rrethues i përket periudhës së perandorit bizantin Anastasi I në shekullin e V-të, që ishte me origjinë nga Durrësi dhe bëri fortifikimin e qytetit dhe kulla C që ka rënë ishte pjesë e këtij rrethimi fortifikues. Gjatë tërmetit të tmerrshëm të vitit 1273, që shkatërroi pothuajse plotësisht qytetin e Durrësit, u shkatërrua edhe kjo kullë plotësisht. Më pas, kulla u restaurua me materiale të antikitetit të vonë, pra të periudhës së Anastasit dhe materiale të periudhës së Mesjetës. Për herë të dytë në historinë e saj, tërmeti i 26 nëntorit shkatërroi dhe një nga kullat fortifikuese të Kalasë së Durrësit.

S.L.

/portali DurresLajm/

Video: 
Na bëni like në facebook!: 

Lajme nga e njëjta kategori

Një sherr ku janë përfshirë 3 persona ka ndodhur para pak minutash në Durrës. Sipas informacioneve paraprake policore, një person ka mbet

Ish-ministri i Brendshëm, Flamur Noka është shprehur se policia e shtetit falsifikon dhe sajon raportet.

Ministrja e Shëndetësisë, Ogerta Manastirliu, me anë të një postimi në rrjetet sociale, ka kujtuar sërish të gjithë qytetarët se duke fil

Durrësi dhe rrethinat do të kenë kufizime të energjisë elektrike për 3 ditë për shkak të punimeve në rrjetin e transmetimit.

Ministri i mjedisit dhe turizmit Bendi Klosi gjatë një takimi me hotelieret e Vlorës ka bërë me dije se 15 nëntori do të shënojë fundin e

Me lehtësimin e masave kufizuese për lëvizjen e lirë të mjeteve dhe këmbësorëve janë rikthyer edhe rreziqet që u kanosen përdoruesve të r

Ditën e parë të javës së ardhshme, që përkon edhe me nisjen e muajit qershor, thuajse të gjitha bizneset do të jenë të hapura, madje edhe

Në një dalje për mediat, Genta Qirjako nga Instituti i Shëndetit Publik ka sqaruar në lidhje me ndërrimin e jetës së një 82-vjeçare në sp

Gjatë 24 orëve të fundit janë testuar 225 qytetarë si të dyshuar të prekur me Covid19 dhe janë konfirmuar 15 raste pozitive.

Në qytetin e Durrësit janë disa pallate që janë shembur dhe të tjerë që presin të shemben, pasi rezultojnë me dëmtime të rënda, të shkakt