Abuzimet me tenderat, lirohen dy nga ish-zyrtarët e Ministrisë së Drejtësisë

08/02/2019 - 13:33

Kanë dalë sot para Gjykatës së Tiranës, dy ish-zyrtarët e Ministrisë së Drejtësisë, të arrestuar për abuzime me tenderat.

Kjo gjykatë ka ndryshuar masën e sigurisë nga “arrest me burg” në “arrest shtëpie”, për ish-drejtorin e Shërbimeve Mbështetëse Aurel Lamçe dhe ish-specialistin e IT-së në Arlind Alikaj.

Ata u arrestuan këtë të mërkurë bashkë me ish-sekretaren e Përgjithshme të Ministrisë së Drejtësisë Juliana Hoxha dhe ish-specialistin tjetër të IT-së Lysien Ali.

Lidhur me këto hetime tre ish-ministra të Drejtësisë, dy të Lëvizjes Socialiste për Integrim dhe njëri i Partisë Demokratike, do të thirren në Prokurorinë e Tiranës për të dëshmuar.

Gjatë javës që vjen do të dëshmojnë ish-ministrat Petrit Vasili, Ylli Manjani dhe Gazment Bardhi. Tre ish-ministrat po verifikohen lidhur me procedurat abuzive të konstatuara me tenderat e kryera nga ministria e Drejtësisë.

Këtë të martë u arrestuan Juliana Hoxha ish-sekretare e Përgjithshme, Aurel Lamçe, drejtori i Shërbimeve Mbështetëse dhe dy specialistë IT, Lysien Ali dhe Arlind Alikaj.

Prokuroria e Tiranës në funksion të hetimeve të kryera për procedurat e tenderimit në Ministrinë e Drejtësisë për periudhën kohore 2016-2017, ka marrë në hetim 12 persona të dyshuar për veprat penale të “Shpërdorimit të detyrës”, parashikuar nga neni 248 i Kodit Penal dhe Shkelje e barazisë së pjesëmarrësve në tendera, parashikuar nga neni 258 i Kodit Penal.

Hetimet janë shtrirë në 5 tendera, konkretisht:

-Mirëmbajtja dhe mbikëqyrja e sistemit ICMIS në 7 Gjykatat Administrative

-Përmirësimi i sistemit të mbikëqyrjes elektronike në fushën penale

-Përmirësimi, Zhvillimi dhe Mirëmbajtja e Regjistrit Noterial Shqiptar

-Sistemi i Monitorimit me kamera për burgun e Lezhës dhe Fushë Krujës

-Përmirësimi dhe mirëmbajtja e sistemit elektronik të çështjeve të përmbarimit

Shkeljet janë evidentuar fillimisht nga grupi i inspektimit të Ministrisë së Drejtësisë, e më pas dhe nga grupi i inspektimit të Ministrisë së Financave.

Hetimet kanë nxjerrë në pah shkeljet e evidentuara të shoqëruara me pasoja të mëdha për buxhetin e shtetit. Disa nga sistemet objekt të këtyre procedurave të prokurimit në një pjesë të madhe nuk janë funksionale.

Hetimet kanë pasur në fokus funksionarët publik që kanë qenë pjesë e njësive të prokurimit, komisioneve të verifikimit të ofertave dhe komisioneve për mbikëqyrjen e zbatimit të kontratave.

/portali DurresLajm/

Na bëni like në facebook!: 

Lajme nga e njëjta kategori

Greqia ka shtyrë masat deri më datë 21 qershor për kufirin me Shqipërinë.

Ministria e Shëndetësisë dhe Mbrojtjes Sociale njofton se gjatë 24 orëve të fundit në vendin tonë janë kryer 2,916 testime për persona të

Covid-19, i cili prej më shumë se një viti na ka ndryshuar totalisht jetën, nuk prek vetëm mushkëritë dhe rrugët e frymëmarrjes te pacien

Ministrja e Arsimit, Sportit dhe Rinisë, Evis Kushi ka reaguar përmes një postimi në rrjete sociale lidhur me protestën e maturantëve për

Maturantët e shkollave të mesme në Durrës po protestojnë sot para Drejtorisë Rajonale Parauniversitare në qytetin bregdetar, pasi testi i

Qendra e Shërbimeve Arsimore ka dalë sot në një deklaratë për mediat lidhur me pretendimet e maturantëve një ditë më parë se provimi i ra

Ministrja e Arsimit, Sportit dhe Rinisë, Evis Kushi organizoi sot një takim për konsultim publik të Draft-Strategjisë Kombëtare të Arsimi

Policia e Lezhës ka ndërmarrë masa për mbarëvajtjen e pelegrinazhit në Kishën e Shna Ndout në Laç më datë 12-13 qershor 2021.

Sipas Meteoalb, vendi këtë të shtunë do të mbizotërohet nga alternime kthjellimesh dhe vranësirash duke sjellë mot të qëndrueshëm por që

Qeveria greke ka vendosur të pranoj brenda territorit të saj të gjithë personat e vaksinuar, pavarsisht nëse vaksina që kanë injektuar ës