Autostrada Tiranë-Elbasan, kompania "Aktor" fiton 45 milionë dollarë në arbitrazh

17/10/2020 - 11:47

Shteti shqiptar humb një tjetër çështje në arbitrazhin ndërkombëtar duke detyruar taksapaguesit shqiptarë t’i paguajnë kompanisë greke “Aktor” 45 milionë dollarë.

“News 24” zbardhi dje vendimin e arbitrazhit të dhomës ndërkombëtare të tregtisë që detyron shtetin shqiptar të paguajë rreth 45 milionë dollarë për firmën greke “Aktor” për punimet shtesë në autostradën Tiranë-Elbasan. Në vendim thuhet se sipas kontratës palët kishin rënë dakord për ngritjen e një bordi mosmarrëveshjesh për zgjidhjen e me konsensus të pretendimeve, që palët mund të kishin gjatë zbatimit të projektit. Nëse një nga palët nuk ishte dakord me vendimit e bordit atëherë mund t’i drejtohej arbitrazhit ndërkombëtar dhe konkretisht në Gjykatën e Dhomës Ndërkombëtare të Tregtisë.

Mosmarrëveshjet mes konsorciumit ndërtues dhe Autoritetit Rrugor të Shqipërisë lindën në vitin 2015, kur ndërtuesi paraqiti dy kërkesa për pagesë kostosh shtesë të punimeve për Segmentin III (Tiranë deri në hyrjen e tunelit) dhe Segmentin I (nga dalje e tunelit deri ne Elbasan) të autostradës, përkatësisht me vlerë 11,6 milionë dollarë dhe 25,2 milionë dollarë. Pas një kalvari burokracish, në korrik të 2017 palët kanë rene dakord për të amenduar kontratën duke ngritur edhe një bord për zgjidhjen e mosmarrëveshjeve. Vendimet e bordit nëse nuk apelohen brenda 28 ditësh atëherë janë të detyrueshme për t’u zbatuar. Ky bord më pas me dy vendime; 7 shtator dhe 9 tetor të 2017 ka vendosur që pala shqiptare t’i paguajë për punime shtesë kompanisë greke dy fatura të kripura prej 11,6 milionë dollarë dhe 25,2 milionë dollarë. Duhet theksuar se gjithë procedura që nga ngritja e bordit deri në marrjen e vendimeve është bërë gjatë tranzitimit të qeverisë pas zgjedhjeve të 2017-ës, ku Partia Socialiste fitoi mazhorancën parlamentare dhe dikasteri i rrugëve, Ministria e Transporteve që deri në atë kohë drejtoheshin nga LSI kaluar në duart e PS.

Me vënien e Damian Gjiknurit në krye të Transporteve dhe ndërrimin e drejtuesve të ARRSH-së, faturat madje nisën disa audite, por nga ana tjetër pretendimet e palës greke nuk u kontestuan brenda afatit 28 tetor. Kaq i ka mjaftuar kompanisë ndërtuese t’i drejtohej arbitrazhit ndërkombëtar. Në 15 tetor të 2018-ës ka shkuar kërkesa në Gjykatën e Dhomës Ndërkombëtare të Tregtisë, nga “Copri contruction” dhe “Aktor”, pala shqiptare është mbrojtur kryesisht me faktin se arbitrazhi ndërkombëtar nuk ka juridiksion për gjyqin, çfarë është rrëzuar nga tribunali.

Ndërkohë, arbitrazhi e ka quajtur të vlefshëm amendimin e kontratës dhe ngritjen e bordit të mosmarrëveshjeve si dhe ka detyruar shtetin shqiptar të paguajë dy faturat e pretenduara nga kompanitë greke me një total prej 45 milionë dollarësh amerikanë, duke përfshirë dhe TVSH-në dhe shpenzimet gjyqësore.

/portali DurresLajm/

Na bëni like në facebook!: 

Lajme nga e njëjta kategori

Një tjetër ditë tragjike në vendin tonë, pasi mes 9 viktimave nga koronavirusi ishte edhe një i ri nga Librazhdi. Burime për mediat mësoj

Pas përmbytjeve të shumë zonave dhe shtëpive në Shijak, për shkak të daljes nga shtrati të lumit Erzen, banorët e qytezës së vogël po për

Zbardhen të tjera përgjime të Antimafias së Katanzaros, e cila goditi pak ditë më parë një grup mafioz në Itali, ndërsa ekzekutoi 48 urdh

Situata e shkaktuar nga përmbytjet në njësinë administrative Sukth vijon të mbetet problematike.

Punonjësit e kompanisë “Aleat” pranë rajonit nr.5 në Durrës janë tronditur ditën e sotme nga shembja e tavanit të zyrës së tyre.

Gjykata e rrethit gjyqësor Durrës shpall 4 vende vakante pune. Gjykata kërkon një arkivist dhe 3 sekretarë gjyqësorë për të plotësuar sta

Prokuroria e Tiranës i ka shtrirë hetimet lidhur me rastin “Tire Alldervishi”, e cila akuzohet për mashtrim, pas denoncimit që bëri vajza

Ministria e Shëndetësisë dhe Mbrojtjes Sociale njofton se gjatë 24 orëve të fundit janë kryer 1918 testime për raste të dyshuar për Covid

Kryebashkiaku i Shijakut, Elton Arbana thotë se po merren masat e nevojshme për të ndihmuar familjet që janë përmbytur si pasojë e daljes

1231 qytetarë janë gjobitur në vendin tonë për mosmbajtje të maskës mbrojtëse në publik gjatë fundjavës.