Banorët e pallatit 12-katësh në Durrës në protestë: Kërkojmë ekspertizë të thelluar, ka devijuar rreth 53 cm (VIDEO)

13/02/2020 - 13:29

Pasi nuk gjejnë asnjë zgjidhje nga institucionet vendore, banorët e Durrësit të cilët vuajnë prej tre muajsh pasojat e tërmetit të 26 nëntorit, të vetmen zgjidhje shikojnë duke bërë publik problemin në media.

Këtë radhë ishin 40 familje të një pallati 12-katësh në lagjen numër 5 në Durrës të cilët kërkojnë ekspertizë të thelluar për objektin ku ata banojnë pasi sipas tyre pallati është mënjanuar rreth 53 centimetra.

Jo vetëm që pallati është ndërtuar pa asnjë pilotë por mbi të janë hedhur edhe kate shtesë duke e bërë të rrezikshëm banimin në këtë objekt thonë banorët, të cilët janë ankuar në disa institucione por nuk kanë marrë asnjë përgjigje.

Madje ata kanë bërë denoncim edhe në prokurori e polici por denoncimi nuk është marrë nga oficerja e policisë gjyqësore, për shkak se pallati është blerë nga firma “Kastrati” sipas tyre.

Banorët e pallatit 12-katësh në qytetin e Durrësit protestojnë kundër vendimit për riparimin e tij, pasi sipas tyre ai rrezikon shembjen.

Banorët kërkojnë që të informohen nga ana e bashkisë për ecurinë e procedurave dhe së çfarë do të ndodhë me pallatin. Sipas tyre pallati ka qenë i pajisur me leje ndërtimi për 7 kate, por më vonë ndërtuesit shtuan edhe 5 kate të tjera.

Lagjja pesë në Durrës ka pësuar dëmtime të mëdha nga tërmeti i 26 nëntorit të vitit të kaluar. Dhjetëra pallate në një perimetër fare të vogël kanë lëvizur dhe ceduar disa centimetra deri në një meter nga pozicioni fillestar.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Rtv Ora dhe Antonio Notto publikuan këtë të martë sondazhin e parë kombëtar, sipas të cilit PS, LSI dhe PDIU kanë një rënie nga zgjedhjet

Zbulohet kontrata “sekrete” e qeverisë shqiptare dhe korporatës farmaceutike “Pfizer” e miratuar një ditë më parë në Kuvend.

Gazetari investigativ, Artan Hoxha, i ka bërë thirrje Prokurorisë së Posaçme kundër Krimit të Organizuar dhe Korrupsionit që të hetojë nj

Ministria e Shëndetësisë ka njoftuar se në 24 orët e fundit kanë humbur jetën 6 persona nga COVID-19 në vendin tonë, nga të cilët 1 qytet

Ambasada shqiptare në Greqi ka njoftuat shtyrjen e aftit kohor për tërheqjen e dokumenteve biometrike, pasaportat dhe kartat e identiteti

U konstatuan duke lëvizur pa maskat mbrojtëse, ndëshkohen më masë administrative 473 qytetarë.

Prefektura e qarkut të Durrësit njofton se duke iu referuara informacioneve paraprake nga IGJEUM, SHMU, MeteoAlb si dhe ERCC se në datat

Federata Shqiptare e Futbollit i ka kërkuar Ministrisë së Shëndetësisë dhe Mbrojtjes Sociale një qira për stadumin Air Albania, që aktual

IGJEUM dhe Shërbimi Meteorologjik Ushtarak parashikojnë reshje intensive shiu prej datës 22 deri më 26 janar në të gjithë territorin e ve