Vijon prishja e ndërtesave të dëmtuara rëndë nga tërmeti i 26 nëntorit.
Mësohet se IKMT në bashkëpunim me IMT Durrës kanë shembur me mjete të rënda dy pallate 5 katëshe në zonën e Hamalles.
NJOFTIMI I BASHKISË
IKMT dhe IMT e Durrësit shembën 2 pallate 5 katësh në Hamallaj në njësinë administrative të Sukthit të dëmtuar në mënyrë të pariparueshme nga tërmeti i 26 nëntorit sipas aktekspertizës së thelluar të Institutit të Ndërtimit.
Menjëherë pas shembjeve ka vijuar puna edhe për pastrimin e inerteve.
Prishjet e këtyre godinave i hapin rrugë ndërtimit të banesave të reja me standarte të larta për qytetarët.