Durrës, vetëm 4 punonjësve u bëhet tamponi. Laboratori vijoi punën normalisht pas daljes së një punonjëseje pozitive me Covid-19

26/06/2020 - 18:45

Vetëm 4 nga 14 punonjës që ka në total laboratori pranë Njësisë Vendore të Kujdesit Shëndetësor në Durrës u është bërë tamponi gjatë ditës së sotme, pas daljes pozitive të një laboranteje me Covid-19.

DurrësLajm mëson se vetëm këta punonjës janë dërguar në shtëpi dhe janë vendosur në karantinë 14 ditore, pavarësisht rezultatit të tamponit që pritet të dalë nesër, ndërsa punonjësit e tjerë kanë vijuar punën normalisht.

Përveç dezinfektimit të ambienteve, të bërë që herët në mëngjes, ky laborator ka vijuar të funksionojë si çdo ditë, krejt ndryshe nga si u veprua me institucione të tjera në Durrës, ku një apo dy punonjës kanë rezultuar pozitivë me koronavirus.

Kujtojmë se institucioni i Kadastrës u mbyll për dy javë dhe nuk ofroi shërbime për qytetarët, pas daljes pozitive të dy punonjëseve.

Po ashtu edhe bashkia e Durrësit u mbyll duke ofruar shërbim të kufizuar për qytetarët vetëm përmes zyrës së informacionit.

Nëse punonjës të tjerë të laboratorit do të rezultojnë ditën e shtunë pozitivë, pritet që tamponi t’i bëhet të gjithë personelit.

/portali DurresLajm/

Na bëni like në facebook!: 

Lajme nga e njëjta kategori

Sipas MeteoAlb moti i kthjellët do të dominojë në të gjithë vendin deri në mesditë ku shfaqen vranësira nëpër territor.

Shqipëria vijon të shënojë shifra të larta të infektimeve nga Covid 19, ndërsa i lartë mbetet edhe numri i fataliteteve.

Avokatja e njohur në Durrës, Luljeta Petani, përmes një statusi në rrjete sociale ka kritikuar mënyrën sesi forcat politike janë përfshir

Të gjesh vend parkimi në Durrës, shpesh kthehet në mision shumë të vështirë.

Pas Greqisë, edhe Ministria e Jashtme Shqitpare njofton masa të reja anti-Covid në Pikën Kufitare të Kakavijës.

Mjeku Tritan Kalo ka bërë disa vlerësime në lidhje me mënyrën se si po menaxhohet pandemia e koronavirusit në vend.

Arqipeshkvi i Shkodrës, Angelo Massafra, është infektuar me koronavirus.

Ministria e Brendshme njofton qytetarët se të gjitha zyrat e aplikimit për ID karta dhe pasaporta biometrike do të jenë të hapura edhe so

Pas largimit të leshterikëve nga vija bregdetare e plazhit të Durrësit, aksioni është përqendruar në shëtitoren “Taulantia”.

Gjatë pjesës së parë të ditës së kësaj të shtune, kthjellimet mbeten mbizotëruese në territor.