Energjia e rinovueshme, Balluku prezanton projektet e qeverisë shqiptare në Këshillin Atlantik

15/02/2020 - 15:27

Ministrja e Infrastrukturës dhe Energjisë, Belinda Balluku ka marrë pjesë në konferencën ndërkombëtare “Perspektiva e Energjisë së Rinovueshme: Financimi, Investimi, Rregullimi dhe Teknologjitë e reja”, organizuar nga Banka Europiane për Rindërtim dhe Zhvillim si dhe Këshilli i Atlantikut, me pjesëmarrjen e ministrave të Energjisë nga vendet e ndryshme të Europës dhe rajonit.

Financimi i burimeve të energjisë së rinovueshme, kuadri rregullator si dhe teknologjitë e reja, të cilat duhen aplikuar në të ardhmen, për të rritur efiçencën e këtyre burimeve ishin temat e diskutuara nga ministrat pjesëmarrës në këtë takim të mbajtur në Stamboll të Turqisë.

Në këtë konferencë ministres Balluku i është rezervuar një panel i veçantë, gjatë të cilit ajo ndau me të pranishmit objektivat dhe sfidat e Qeverisë Shqiptare në procesin e diversifikimit të burimeve të energjisë së rinovueshme, në funksion të rritjes së sigurisë energjetike.

“Ishte kënaqësi të merrja pjesë në takimin e zhvilluar nga Banka Europiane për Rindërtim dhe Zhvillim dhe Këshilli i Atlantikut për energjinë e rinovueshme. Ministra nga disa vende të Europës dhe të rajonit diskutuam për financimin e këtyre burimeve, për kuadrin rregullator dhe sigurisht për teknologjitë e reja të së ardhmes, të cilat duhen aplikuar sa më shpejt për të krijuar efiçencën e këtyre burimeve”, tha në përfundim të konferencës ministrja Balluku.

Duke ju referuar nismave të ndërmarra nga Qeveria Shqiptare në vitet e fundit, sa i takon sektorit të energjisë, por edhe projektet e të ardhmes, ministrja Balluku foli për projektin e parkut fotovoltaik të Karavastasë, për të cilin tha se deri tani kanë hyrë në garë më shumë se 20 kompani të fuqishme nga e gjithë bota.

“Ky nuk është as takimi i parë dhe as takimi i fundit, që Shqipëria merr pjesë. Tashmë kemi shumë për të thënë, kemi për të promovuar aksionet tona më të mira. ashtu siç ishte dhe parku i Karavastasë, për të cilin fola dhe për mënyrën transparente se si ky ankand është hapur dhe do të përfundojë nga ç’duket, me një pjesëmarrje të jashtëzakonshëm nga kompanitë më të mëdha europiane, por dhe nga e gjithë bota. Ndava me kolegët e mi të gjitha të rejat e fushës energjetike në Shqipëri, si edhe planet që ne kemi për të ardhmen”, theksoi ministrja Belinda Balluku.

Arritjet e Qeverisë Shqiptare, kryesisht gjatë vitit të fundit, sa i takon diversifikimit të burimeve të energjisë, morën vlerësime maksimale nga përfaqësuesit e BERZH dhe Presidenti i Këshillit Atlantik, Frederick Kempe, i cili theksoi gjithashtu nevojën e hartimit të një strategjie të përbashkët mes vendeve pjesëmarrëse, sa i takon energjisë së rinovueshme për t’ju përgjigjur sfidave në të ardhmen.

“Së pari znj.ministre, ju keni vetëm 1 vit në këtë detyrë, por keni bërë një punë sa për 10 vjet në këtë vit. Keni qenë e përfshirë, aktive dhe keni shtyrë përpara nisma dhe ide të reja, ndaj është një nder t’ju kemi ju në Këshillin Atlantik. Në fakt ne kemi qenë së bashku në muajt e fundit në tre evente, në Abu Dabi në Forumin Global të Energjisë të Këshillit të Atlantikut, pastaj në Shtetet e Bashkuara, ku ju u takuat me Sekretarin e Energjisë, Brouillete dhe tani këtu. Dhe ka qenë një nder i madh, që në një kohë të shkurtër të kemi diskutime të rëndësishëm për tranzicionin e energjisë, jo vetëm në dy, por në tre kontinente, me grupe te ndryshme, por ka qenë një nder t’ju kishim juve në qendër të këtyre diskutimeve”, u shpreh Kempe.

/portali DurresLajm/

Na bëni like në facebook!: 

Lajme nga e njëjta kategori

Vendi ynë sot do të mbizotërohet nga alternime kthjellimesh dhe vranësirash por që mundësitë për reshje janë të pakta.

I ftuar sonte në emisionin “Opinion”, Administratori  i OSHEE-së Adrian Çela deklaroi se nga vendimi për faljen e kamatëvonesave përfitoj

Ndërsa paketa ekonomike lidhur me situatën koronavirus ka nisur tashmë të aplikohet, duket se një kategori e caktuar qytetarësh janë ende

Kryebashkiaku i Shijakut, Elton Arbana, shprehet permes nje postimi në rrjete sociale se sot janë ndarë ndihmat ekonomike për familjet në

Mjeku infeksionist, Tritan Kalo, është kundër lehtësimit të masave kundër koronavirusit, teksa shprehet se një vendim i tillë është i par

Të rinjtë e FRPD Durrës kanë dhuruar gjak ditën e sotme për t'u ardhur në ndihmë të sëmurëve talasemik.

Një grupim biznesmenësh durrsakë ka nisur sot shpërndarjen e pakove të para me ndihma ushqimore për familjet në nevojë.

Vendi fqinjë, Itali, regjistroi sot 610 viktima nga koronavirusi, ndërsa numri total ka arritur në 18.279.

Një paciente 72 vjeçare nga Tirana, me inicialet V.S., ka ndërruar jetë pasditen e sotme në spitalin infektiv në QSUT, e konfirmuar me CO

Foto-reportazhi i Rojterit (Reuters), që po bën xhiron në mediat botërore, por në ato shqiptare (përjashtuar dy portalet e Durrësit) mbah