"Hilet" e supermarketeve në Durrës, iu vendosin dy data skadencash produkteve ushqimore (VIDEO+FOTO)

13/06/2019 - 12:20

Në një kohë kur Autoriteti Kombëtar i Ushqimit po bllokon me tonelata produkte ushqimore të importuara nga jashtë vendit, që nuk plotësojnë kërkesat ligjore të sigurisë ushqimore; apo të prodhura e të tregtuara brenda territorit shqiptar, siguria ushqimore mbetet ende një problem kryesor për konsumatorët shqiptarë.

Në një prej supermarketeve që operojnë në qytetin e Durrësit, “DurrësLajm” ka konstatuar se një prej produkteve që tregtohet në supermarketin në fjalë, ka dy data skadencash.

Kjo kanoçe me salcë domatesh, në kapakun poshtë saj ka datën e skadencës të vendosur nga fabrika italiane që e ka prodhuar, në të cilën shënohet si datë skadence: 20.08.2019.

Ndërsa importuesi dhe tregtuesi shqiptar, i ka vendosur në kapakun lart një datë tjetër skadence, duke e çuar në 3 vjet larg skadimin, më: 25.04.2022.

Edhe ngjyrat e shtypjes së shkrimit të skadencës vihen re dukshëm që ndryshojnë nga njëra-tjetra. Ajo e firmës italiane është me ngjyrë të zbehtë, ndërsa firma shqiptare e ka me ngjyrë të fortë, për shkak të shtypjes kohët e fundit, me qëllimin e vetëm shtyrjen sa më larg të afatit të skadencës.

Pavarësisht se AKU konfirmon thuajse çdo ditë në njoftimet e saj për shtyp përkushtimin për zbatimin rigoroz të legjislacionit të sigurisë ushqimore dhe forcimin e masave parandaluese për mbrojtjen e shëndetit dhe interesave të konsumatorit anembanë vendit, siguria ushqimore mbetet një sfidë e përbashkët dhe problem i qenësishëm për shëndetin tonë!

S.L.

/portali DurresLajm/

Video: 
Na bëni like në facebook!: 

Lajme nga e njëjta kategori

Kandidimi i Valdrin Pjetrit për kryetar të bashkisë së Shkodrës e vuri edhe njëherë Kryeministrin dhe Partinë Socialiste në shënjestër të

Sot është mbledhur Task Forca e kontrollit të plazheve në Qarkun e Durrësit, ku merrte pjesë ministri i Turizmit dhe Mjedisit Blendi Klos

Sipas MeteoAlb, ditën e sotme moti parashikohet të jetë me diell përgjatë ultësirës perëndimore dhe do të ketë vranësira të pakta në zona

Pas vdekjes së gazetaritt ë njohur Fatos Baxhaku, ka ardhur një reagim edhe nga Unioni i Gazetarëve Shqiptarë.

Presidenti i Republikës së Shqipërisë Ilir Meta ka publikuar një mesazh ngushëllimi për ndarjen nga jeta të gazetarit dhe publicistit Fat

Të premten, paradite, më 16 gusht 2019, në komandën e Forcës Detare në Pepa të Durrësit u prezantuan 12 oficerë të rinj.

Një dëshmitare okulare e ngjarjes së rëndë ku dy punëtorë vdiqën dhe dy të tjerë u plagosën rëndë pas rrëzimit të një skele në një pallat

Të premten, më 16 gusht 2019, në qytetin e Durrësit, inspektorët e task forcës së transportit rrugor monitoruan të gjitha linjat e transp