Mbytet një fëmijë në plazhin e Durrësit.
Sipas të dhënave paraprake, ngjarja është regjistruar mesditën e sotme pranë zonës së quajtur "Iliria" në plazhin e madh.
Vogëlushja e moshës rreth 7 vjeçe u dërgua në urgjencën e spitalit, por fatkeqësisht nuk mundi të mbijetonte dhe ka ndërruar jetë.
Mësohet se ndërsa është futur për t’u larë, e mitura i ka shpëtuar vëmendjes së prindërve. Kanë qenë këta të fundit që kanë konstatuar mungesën dhe janë hedhur menjëherë në det për t’i dhënë ndihmë.
Pavarësisht dërgimit me urgjencë në spital, 7-vjeçarja nuk ka mundur të mbijetojë.
Durrës/ Informacion paraprak
Më datë 27.08.209, rreth orës 13:40, ka ardhur për ndihmë mjekësore në Spitalin Rajonal Durrës e mitura E.H., 7 vjeçe, banuese në Podujevë, e cila ka rrezikuar të mbytej në det. Shtetësia E.H., fatkeqësisht ka ndërruar jetë në spital.
Grupi hetimor po punon për sqarimin e rrethanave të ngjarjes.