Na ishte dikur Durrësi i... gjelbëruar! (VIDEO)

27/03/2019 - 18:41

Ndërtimet pa kriter dhe pa plan ndër vite zhdukën çdo sipërfaqe të gjelbër në Durrës. Lulishtja në hyrje të qytetit bregdetar është zaptuar në pjesën më të madhe të saj nga lokalet, ndërsa çdo vit e me tepër pronarët e tyre zënë hapësirat e fëmijëve. Ashtu sikundër kjo lulishte që është drejt zhdukjes, dy lulishtet që ndodheshin pranë Mauzoleumit të Dëshmorëve u zhdukën tërësisht nga harta e qytetit.

Bari u zëvendësua me beton, ndërsa pemët me tendat e lokaleve. Të njëjtin fat ka edhe lulishtja e lagjes numër 17. Operatori i DurrësLajm sjell pamje nga kjo lulishte që vetëm emrin po mban të tillë. Dikur nga më të mëdhatë në qytet, sot nuk ka mbetur asgjë. Edhe lulishtja “1 Maj” në qytetin bregdetar u shkatërrua për t’i hapur rrugën një sërë ndërtimesh mbi të.

Të tillë fat pësoi edhe lulishtja në qëndër të qytetit. Bredhat shumëvjeçarë të sheshit “Liria” u zëvendësuan me palma, ndërsa gjelbërimi dhe lulet me pllaka mermeri. Babëzisë së ndërtimit nuk i shpëtoi as lulishtja pranë Torrës Veneciane si dhe ajo në hyrje të portit detar. Vënia në zbatim e projektit “Veliera” fshiu nga harta gjithçka.

Qytetarët flasin për mungesë të hapësirave shplodhëse dhe argëtuese për të rritur dhe fëmijë. Pa gjelbërim Durrësi po shndërrohet në një qytet ku është e vështirë të jetohet. Me pamjen që ka marrë i shkon për shtat shprehja: Na ishte dikur Durrësi i gjelbëruar!

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Ministrat e Jashtëm të vendeve anëtare të Bashkimit Evropian nuk kanë mundur të bien dakort për hapjen e negociatave të Shqipërisë dhe Ma

Hetuesit në Durrës duket se janë afër zbardhjes së atentatit ndaj vlonjatit Edison Harizajt dhe shokut të tij në afërsi të Plepave.

Gjesti fyes i ambasadorit të OSBE-së në Tiranë, Bernd Borchard, është përcjellë me vëmendje edhe nga Këshilli i Ambasadorëve Shqiptarë.

Shtyhet seanca në ngarkim të Arbër Çekajt dhe dy të arrestuarve të tjerë për sasinë prej 613 kg kokainë që u kap në Durrës.

Inspektoriati i Mbrojtjes së Territorit Durrës ka ndërhyrë në fillim javë për të shembur betonimet e paligjshme që kishin ngushtuar kanal

Që nga fillimi i këtij viti portin e Durrësit e kanë vizituar 420 jahte, me flamurë nga të pesë kontinentet.

Drejtori i Përgjithshëm i Burgjeve, Agim Ismaili nga Komisioni i Sigurisë bëri një deklaratë të fortë duke pohuar se nga burgu janë poros

Një “Benz” i braktisur në autostradën Durrës-Tiranë, i vjedhur më herët gjatë shtatorit, ka marrë flakë dhe është djegur plotësisht.