Ndahet nga jeta ish-ministri, vuante nga një sëmundje e rëndë

Postuar: 12/10/2017 - 20:32

   Ndahet nga jeta në mënyrë të parakohshme ish-ministri i Energjetikës, Dritan Prifti.

Dritan Prifti vuante nga një sëmundje agresive e gjakut prej një viti dhe për këtë shkak ai kishte hequr dorë dhe nga jeta publike dhe politike.

Prifti i ishte nënshtruar së fundmi një operacioni tepër të vështirë në Itali, nga i cili nuk janë vënë re përmirësime.

Dritan Prifti ishte deputet në Kuvendin e Shqipërisë nga viti 2001 deri në vitin 2013, ndërkohë që nga 2009 deri në 2010 mbajti edhe postin e ministrit të Ekonomisë, Tregtisë dhe Energjisë.

Kush ishte Dritan Prifti?

Dritan Prifti doli nga skena politike pas zgjedhjeve të vitit 2013 kur nuk arriti të marrë dot një mandat deputeti në qarkun e Fierit.

Fillesat e tij në politikë janë në vitin 1997 kur për një periudhë dy vjeçare, deri në 1999 ishte shef kabineti, fillimisht i Ministrit të Financave dhe më pas i ministrit të Punës dhe Cështjeve Sociale.

Në vitin 2000 ai mori drejtimin e KESH-it dhe siç shkruante në CV-në e tij drejtoi një kompani me 11 punonjës duke e kthyer nga 30 milionë dollarë humbje në 50 milionë dollar fitim.

Performance e mirë në krye të KESH duket se ndikoi në vendimin për t’u emëruar pak muaj më vonë në pozicionin e shefit të kabinetit të kryeministrit.

Në vitin 2001 ai u zgjodh deputet i Partisë Socialiste, por pas dy vjetësh e braktisi këtë parti për t’iu bashkuar Ilir Metës në Lëvizjen Socialiste për Integrim.

Përpara se të shkonte në LSI, ai drejtoi nga viti 2001 deri në 2002 ministrinë për Energjetikën.

Megjithëse një forcë e re, si LSI, Prifti e fitoi mandatin e deputetit në zonën e tij në Libofshë të Fierit në vitin 2005.

Viti 2009 ishte i rëndësishëm si për LSI-në, ashtu edhe për Dritan Priftin. Ai do të mbahet mend për deklaratën e famshme se do të ishte deputeti i 71-të i Sali Berishës, duke detyruar LSI-në që të shkonte drejt koalicionit me PD-në.

Prifti mbajti në vitin 2009 pozicionin e ministrit të Ekonomisë, Tregtisë dhe Energjetikës. Këtë ministri i drejtoi për një vit ku për shkak të regjistrimit të një videoje me Ilir Metën (Gjykata e Lartë e hodhi poshtë si video) u shkarkua nga detyra.

Video më pas u përdor nga opozita e kohës dhe Edi Rama (për të cilin Prifti kishte deklaruar se e kish parë duke thithur drogë) për të bërë 21 Janarin.

Prifti e mbylli mandatin në vitin 2013, për t’u angazhuar më pas me aktivitetin e tij privat, së bashku me Tom Doshin.

/portali DurresLajm/

Na bëni like në facebook!: 

Lajme nga e njëjta kategori

   Prokuroria e Krimeve të Rënda ka nisur hetimin pasuror për nënkomisarin e Komisariatit të Fierit, Festim Lelajn, si edhe për dy policë

   Ndërsa në Tiranë duket se i kanë marrë me qetësi hetimet për çështjen “Habilaj” nuk ndodh e njëtja gjë te autoritetet italiane të cila

   Të pasionuarit pas sportit ekstrem të hedhjes me parashutë nuk ka nevojë të udhëtojnë deri në Llogara për të ushtruar pasionin e tyre.

   Hetimet e Krimeve të Rënda kanë arritur të zbërthejnë të gjithë grupin që trafikoi 2.5 ton kanabis në muajin janar nga porti i Durrësi

   Prostitucioni i formave të ndryshme po bëhet një fenomen mjaft i mprehtë për shoqërinë shqiptare.

   Forca të shumta policie dhe qindra njerëz janë pjesëmarrës në ceremoninë e varrimit të Aleksandër Ndokës.

   Gjatë kësaj jave, Policia Kufitare ka kapur në flagrancë 23 persona që po largoheshin nga vendi ilegalisht përmes kufirit jeshil, pasi

  Drejtori i Autoritetit Rrugor Shqiptar, Afrim Qendro shprehet se ende nuk ka një datë se kur aksi Elbasan- Tiranë do të zhbllokohet nga

Klevis Sula, 20-vjeçari shqiptar në Islandë, u vra pasi ndihmoi një person të ulur në rrugë dhe që po qante.

Ekspertët e Krimeve të Rënda në Policinë e Shtetit po marrin në shqyrtim të gjitha pistat për vrasjen e Aleksandër Ndokës, vëllait të ish