Autoriteti Kombëtar i Ushqimit, gjatë inspektimeve të ditëve të fundit ka bllokuar mbi 2 tonë sasi mishi të grumbulluar nga pika therjeje dhe dyqane të ndryshme.
Sipas njoftimit të AKU-së, mishi i asgjësuar rezultonte produkt i pakontrolluar, pa vulë veterineri dhe pa certifikatë origjine.
Mishi i bllokuar ndodhet i magazinuar në frigoriferët e Zoo Farm, nga ku do të merret dhe do të dërgohet në Landfillin e Sharrës, për t'u asgjësuar.
Gjithashtu AKU njofton se pas inspektimit dhe bllokimit të mishit të pakontrolluar, në gjithë vendin janë mbyllur 83 subjekte ku është konstatuar produkti i pakontrolluar.
