Ekspertët paralajmërojnë se akullnajat dikur të mëdha të Austrisë mund të zhduken pothuajse plotësisht në të ardhmen e afërt për shkak të ndryshimeve klimatike.
Sipas një studimi nga një ekip kërkimor austriak-britanik, për të shpëtuar një pjesë të vogël të masave të akullit, temperatura globale do të duhet të kufizohet në 1,5 gradë Celsius. Studimi është botuar në revistën “The Cryosphere”.
Për periudhën mes 2006 dhe 2017, pesë akullnaja në rajonet Otztal dhe Stubai u zhdukën plotësisht. Ndërkohë, temperaturat aktualisht parashikohet të rriten me 2,7 gradë Celsius.
“Dritarja e mundësive po mbyllet shumë shpejt,” theksoi bashkautori Fabien Maussion i Universiteteve të Bristolit dhe Innsbruckut.
Studimi i referohet akullnajave në provincën e Tirolit, por rezultatet mund të aplikohen për të gjithë Austrinë. Një studiues nga Instituti për Kërkimet Ndërdisiplinore të Maleve të Akademisë Austriake të Shkencave (OAW) theksoi se “akulli i vdekur” është një fazë e akullnajave që kanë humbur lëvizjen rrjedhëse dhe nuk kanë më asnjë zonë ushqimi.
