Agjencia Shtetërore e Kadastrës ka kallëzuar këtë të mërkurë në SPKA, drejtorin e DVASHK Fier, Arben Voja dhe specialisten Shpresa Gjikondaj, pasi akuzohen për shpërdorim detyre dhe falsifikim dokumentesh.
Mësohet se nga kontrolli brenda institucionit janë gjetur 36 raste ku zyrtarët e kallëzuar nuk kanë llogaritur tatimin prej 15% dhe i kanë shkaktuar shtetit shqiptar dëmin prej 95 milion lekës.
Njoftimi i plotë:
Shpërdorim detyre, falsifikim dokumentesh dhe dëm rreth 95 milionë lekë
ASHK kallëzon në SPAK drejtorin e Fierit
Agjencia shtetërore e Kadastrës ka kallëzuar sot penalisht pranë SPAK Drejtorin e DVASHK Fier, Arben Voja si dhe specialisten pranë DVASHK Fier, Shpresa Gjikondaj me akuzën: Shpërdorim detyre dhe falsifikim dokumentash në një dëm të përgjithëm për shtetin shqiptar prej 9.575.060 Lekë. Nga kontrolli i ushtruar, janë gjetur 36 raste ku nga zyrtarët e lartë tashmë të kallëzuar penalisht, nuk është llogaritur tatimi prej 15 përqindësh.
Sipas verifikimeve, për të njëjtën pasuri të paluajtshme, drejtori i DVASHK Fier, pas aplikimeve të njëpasnjëshme ka nxjerrë deri në katër përllogaritje të ndryshme, duke shkaktuar në këtë mënyrë një dëm të konsiderueshëm ekonomik.
