Të paktën dy persona mbetën të plagosur pas një incidenti me armë zjarri në Universitetin e Virxhinias në SHBA ku studiojnë rreth 24 mijë studentë .

Sipas autoriteteve, autori i dyshuar i të shtënave me armë është vrarë, ndërsa ngjarja ndodhi në orët e para të mëngjesit të sotëm.

Dy personat e plagosur u dërguan në spital, ndërsa gjendja e tyre shëndetësore nuk është bërë ende e ditur.

Në vendngjarje ndërhynë policia e universitetit, policia e Norfolkut dhe ekipet e emergjencës.

Pas incidentit, universiteti vendosi të anulojë të gjitha mësimet dhe aktivitetet në kampusin kryesor për pjesën e mbetur të ditës, ndërsa autoritetet u bënë thirrje studentëve dhe stafit të shmangin zonën përreth ndërtesës ku vijojnë hetimet.