Kryeministri i zgjedhur i Kosovës, Albin Kurti do të pranojë solemnisht detyrën e shefit të ekzekutivit.
Në zyrën e kryeministrit do të jetë Behgjet Pacolli ai që do t’ia kalojë detyrën Albin Kurtit, pasi ish-kryeministri Ramush Haradinaj ndodhet në Shtetet e Bashkuara.
Ceremonia e pranim-dorëzimit të detyrës do të zhvillohet në orën 11:00.
Pas kësaj, Kurti pritet të thërrasë në një mbledhje ceremoniale edhe qeverinë e tij të re.
Kurti është zgjedhur kryeministër një ditë më parë nga Kuvendi i Kosovës. Në kabinetin e tij, ai do të këtë dy zëvendëskryeministra dhe 15 ministra.
