Ambasada e SHBA-së në Oslo është goditur nga një shpërthim në orët e hershme të mëngjesit, sipas policisë norvegjeze.
“Janë dërguar burime të mëdha në zonë rreth orës 01:00 lokale (00:00 GMT),” njoftoi policia.
“Policia është në dialog me ambasadën dhe nuk raportohet asnjë i lënduar,” shtohet në deklaratë.
Sipas njoftimeve mediatike, ambasada ka pësuar dëmtime të vogla, ndërsa punonjësit amerikanë të misionit diplomatik nuk kanë bërë komente.
Michael Dellemyr, i cili po drejton reagimin e policisë, tha për transmetuesin publik norvegjez NRK se shpërthimi ka ndodhur në hyrjen publike të ndërtesës.
Ambasada amerikane ndodhet në lagjen Morgedalsvegen, rreth 7 km jashtë qendrës së qytetit.
