pKëshilli i Lartë Gjyqësor ka miratuar një platformë elektronike për ankimimin e votuesve nga diaspora, të cilët nuk gjejnë emrat e tyre në listat e zgjedhësve për zgjedhjet e 11 majit.
Kërkesat do të dorëzohen online përmes platformës “Microsoft Exchange Server” dhe do të shqyrtohen nga Gjykata e Tiranës, e cila është caktuar si e vetmja gjykatë përgjegjëse për këtë proces. Çdo kërkesë do të shqyrtohet brenda 48 orësh.
Sipas Komisionit Qendror të Zgjedhjeve, votuesit nga diaspora mund të ankohen për mungesën e emrit të tyre në listat e votimit deri më 11 prill 2025.
