Arkend Balla falenderon mbështetësit: Durrësi dhe Shqipëria duan zhvillim, e ardhmja do jetë më e ndritur në 4 vitet që do vijnë

Kandidati i Partisë Socialiste për qarkun e Durrësit, Arkend Balla, i cili renditej i 12-ti në listë dhe mblodhi 2463 vota, ka falenderuar të gjithë qytetarët që mbështetën atë dhe Partinë Socialiste në zgjedhjet e 25 prillit.

Në një postim në Facebook, Balla shkruan se gjatë kësaj kohe ka kuptuar që Durrësi dhe Shqipëria duan zhvillim, mirëqënie; besojnë tek Shqipëria e së ardhmes.

Dhe sipas tij, kjo e ardhme do të jetë më e ndritur në 4 vitet që do të vijnë.

POSTIMI I PLOTË

Të nderuar qytetarë të Durrësit,

Të dashur miq,

Fjalët nuk janë mjaftueshëm për t’ju falenderuar për mbështetjen e madhe që më keni dhënë mua personalisht dhe Partisë Socialiste në zgjedhjet e 25 prillit. Ndihem i privilegjuar që muajin e fundit takova njerëz të ndershëm e të drejtë, që më besuan, më mbështetën, por më e rëndësishmja u bënë për mua shembuj frymëzimi e motivimi për të dhënë më të mirën për qytetin dhe vendin tonë.

Gjatë kësaj kohe kam kuptuar që Durrësi dhe Shqipëria duan zhvillim, mirëqënie; besojnë tek Shqipëria e së ardhmes. Jam krenar që përfaqësova një forcë politike progresive që nuk i ndan qytetarët majtas e djathtas, por iu gjendet të gjithëve pranë siç ndodhi me procesin e rindërtimit.

E ardhmja jonë është Durrësi, e ardhmja jonë është Shqipëria. Dhe kjo e ardhme do të jetë më e ndritur në 4 vitet që do të vijnë.

Thellësisht mirënjohës!

Arkendi