Largimi masiv i shqiptarëve nga vendi gjatë viteve të fundit ka qenë një fenomen për të cilin kanë folur e shkruar jo vetëm mediat vendase, por edhe ato të huaja.
Duke iu referuar pikërisht këtij fenomeni që nuk po ka të ndalur, nënkryetari i PD Durrës, Arlind Boshku drejton gishtin ndaj kategorive të ndryshme të popullsisë që po konstatojnë me dhimbje largimin e trurit dhe të të rinjve dhe nuk mund të bëjnë asnjë për ta frenuar.
“Tani do të donit të flisni, por nuk ka kush të ju dëgjojë…”,- shkruan Boshku në Facebook, ndërsa poston dhe një foto ku duken familjet shqiptare ndërsa largohen nga vendi.
Postimi i Arlind Boshkut:
Heshtën mësuesit,
tani u mungojnë nxënësit…
Heshtën profesorët,
tani u mungojnë studentët…
Heshtën punëdhënësit,
tani u mungojnë punëtorët…
Heshtën prindërit,
tani u mungojnë fëmijet…
Tani do të donit të flisni,
por nuk ka kush të ju dëgjojë…
