Arrestohen tre adoleshentë nga Durrësi, të cilët vidhnin steka cigaresh në dyqane të ndryshme të qytetit.

Policia njofton arrestimin e tre shtetasve:

•E.SH. 17 vjeç, banues në Durrës;

•E.Z. 17 vjeç, banues në Shënvlash, Durrës;

•J.P. 15 vjeç, banues në Shënvlash, Durrës.

Sipas burimeve nga policia, këta adoleshentë akuzohen se kanë vjedhur me thyerje dyqanin në pronësi të shtetasit Sh.P., 45 vjeç, në lagjen Nr. 4, ku kanë marrë disa steka me cigaresh të markave të ndryshme.

Gjithashtu, në sajë të veprimeve hetimore është zbuluar se ata kryer dhe një vjedhje tjetër më 27 mars, në lagjen Nr. 2, në kioskën e shtetasit G.S. 70 vjeç, ku kanë marrë paketa cigare të markave të ndryshme, me vlerë 40 000 lekë.