SHKODER, 16 dhjetor 2013 – Policia e Shkodrës arestoi në flagrancë dy motra minorene, nga Tirana, me inicialet  R.S 13 vjeç dhe E.S 11 vjeç, te cilat  janë kapur duke vjedhur në lagjen “Vasil Shanto” të Shkodrës. Sipas policisë, vajzat e mitura mendohet se janë autore të rreth 50 vjedhjeve në kryeqytet, ndërsa dyshohen edhe për disa vjedhje në qytete të tjera. Policia i ka shoqëruar vajzat në komisariat, ku me asistencën e psikologëve po i merr në pyetje, për të zbuluar persona të tjerë që mund të fshihen pas tyre.