Një 28-vjeçar nga Kosova është arrestuar në Shkodër, pasi tentoi që të kalonte kufirin me pasaportë të falsifikuar.
Sipas njoftimit të policisë, ai është paraqitur në Pikën e Kalimit Kufitar Muriqan, për të kaluar drejt Malit të Zi, me një pasaportë bullgare që nuk është njohur nga pajisjet elektronike që përdoren për verifikimin e dokumenteve.
Pas kontrollit të dytë u verifikua se pasaporta ishte e falsifikuar. Më pas atij iu gjet pasaporta kosovare dhe u bë i mundur identifikimi i tij.
Njoftimi i plotë:
Muriqan/Shkodër
Paraqiti pasaportë të falsifikuar në kufi, arrestohet në flagrancë 28-vjeçari.
Nga shërbimet e Pikës së Kalimit Kufitar Muriqan, në bashkëpunim me strukturat e DVP Shkodër, është arrestuar në flagrancë shtetasi E. J., 28 vjeç, banues në Mitrovicë, Kosovë.
Ky shtetas është paraqitur në Pikën e Kalimit Kufitar Muriqan, për të kaluar drejt Malit të Zi, me një pasaportë bullgare që nuk është njohur nga pajisjet elektronike që përdoren për verifikimin e dokumenteve.
Pas një kontroll të imtësishëm në vijën e dytë rezultoi se pasaporta që ka paraqitur ky shtetas ishte e falsifikuar.
Gjatë kontrollit, këtij shtetasi iu gjet edhe pasaporta kosovare, me të cilën u bë i mundur identifikimi i tij.
Materialet iu referuan Prokurorisë së Rrethit Gjyqësor Shkodër, për veprën penale “Falsifikimi i letërnjoftimeve, pasaportave ose vizave
