Në një njoftim për median, Policia e Durrësit bën me dije se Specialistët për Krimet në Komisariatin e Policisë Durrës arrestuan në flagrancë shtetasit Armando Tirana, 51 vjeç, banues në Durrës, dhe Selim Kuçi 38 vjeç, banues në Durrës.
Sipas njoftimit të Policisë 51-vjeçari Tirana ka kërcënuar, ofenduar dhe e ka përndjekur në vazhdimësi shtetasen F.H. 54 vjeçe, banuese në Durrës.
Ndërsa shtetasi Selim Kuçi ishte shpallur në kërkim pasi Gjykata e Rrethit Gjyqësor Durrës e ka dënuar me katër muaj burg për veprat penale “Dhunë në familje” dhe “Veprime në kundërshtim me vendimin e Gjykatës” parashikuar në nenet 130/a/1 dhe 321/2 të Kodit Penal.
Materialet i kaluan Prokurorisë së Rrethit Gjyqësor Durrës për veprime të mëtejshme, për veprën penale" Përndjekja" parashikuar në nenin 121/a të Kodit Penal për shtetasin Armando Tirana.
