Një mama në Francë ka shkuar të japë provimin e maturës në vend të të bijës, por ka përfunduar në pranga.
Gruaja rreth të pesëdhjetave u arrestua në flagrancë në njërin prej gjimnazeve të Parisit, ndërsa përpiqej të zëvendësonte të bijën në provimin e anglishtes, të maturës franceze.
Rreth orës 15:30, drejtori i shkollës lajmëroi policinë për ngjarjen.
Gruaja 52-vjeçare, u vu re nga një mbikëqyrëse, e cila njihte të bijën.
Pas kësaj, gruaja u dërgua në komisariatin e policisë, ku u mor në pyetje.
Provimet e maturës në Francë filluan me testin e filozofisë.
Kandidatëve do t’u duhet të presin 5 korrikun për të marrë rezultatet përfundimtare, por me siguri vajza e mamasë e cila u arrestua nuk do t’ia ketë dalë.
