Policia e arrestoi një të ri, të cilit iu gjetën në automjet 2 mina me sahat në Vlorë.
Roberto Hodaj, 26 vjeç, banues në Vlorë, u arrestua pasi gjatë kontrollit të ushtruar nga strukturat policore në mjetin tip “Benz ML”, që përdorej prej tij i janë gjetur dy mina me sahat.
Gjithashtu gjatë kontrollit të banesës e cila përdorej prej tij, në lagjen “Rilindja”, në dhomën e gjumit iu gjetën nga policia 7 kg lëndë narkotike Cannabis Sativa.
U sekuestruan në cilësinë e provës materiale 2 minat me sahat, lënda narkotike, mjeti dhe aparate celular.
Prej DVP-së Vlorë dhe Prokurorisë Vlorë po vijon hetimi me metoda speciale dhe proaktive për dokumentimin e plotë të kësaj veprimtarie kriminale.
Materialet hetimore i kaluan Prokurorisë Vlorë për veprime të mëtejshme.
