TIRANE, 9 prill 2013– Arrestohet punonjësi i një banke në kryeqytet.
Burime nga policia e Tiranës sqarojnë se mbi të rëndon akuza e vjedhjes përmes mashtrimit.
Sipas policisë, i arrestuari është identifikuar si Kujtim Vata, me pozicion roje sigurie në një bankë të nivelit të dytë.
Arrestimi i këtij personi u bë i mundur nga sektori kundër krimit ekonomik.
Mësohet se dëmi që roja i ka shkaktuar bankës është më shumë se 20 mijë euro.
Burime nga policia e Tiranës bëjnë me dije se i arrestuari kishte tërhequr para nga llogaritë e mbi 20 mijë klientëve të bankës, duke u kërkuar punonjësve të tjerë autorizimet.
Hetimet për këtë rast vijojnë, për të mësuar nëse ky person ka bashkëpunuar me ndonjë person tjetër apo jo.
