Arrigo Saki foli për “Sky Sport” pas prezantimit të librit të tij të fundit. Sulm direkt i ish-trajnerit ndaj sistemit të futbollit që lejon klubet me borxhe që të konkurrojnë në nivelet më të larta. “Besoj te vlerat, në një vend që funksionon bazuar në vlera të gabuara. Sepse dinakëria nuk është një vlerë, nëse nuk e quajmë dot të pandershme. E vetmja gjë që ka rëndësi janë fitoret, Bashkimi Evropian tregon se korrupsioni brenda kontinentit ekziston dhe 50% e tij është në Itali. Ka një ndikim të madh në jetën tonë.
Ne jemi një vend ku përpiqemi të jemi taktikë, pak janë strategë, veçanërisht në futboll. Themeluesit e këtij sporti e kishin menduar si një sport ekipor sulmues, ndërsa ne italianët e shndërruam në një sport individual dhe mbrojtës. Por janë 11 vetë në fushë. Gjithmonë mundohemi te heqim diçka. Puna ekipore në Itali? Po të kishim tre persona, ata do të bënin tre parti të ndryshme, ndaj them se klubet që fitojnë me borxhe, janë duke bërë hile.” – Hera e fundit që një lojtar francez dhe një holandez shënuan në një ndeshje të Serisë A për Milanin daton në shtator 2014, me Menez (dopietë) dhe de Jong, kundër Parmës.
