Tashmë është përfundimtare dhe zyrtare, Maqedonia ka emër të ri.
Athina dhe Shkupi kanë arritur më në fund paktin për emrin dhe kanë rënë dakord që zgjidhja të jetë: Republika e Maqedonisë së Veriut.
Dy kryeministrat Aleksis Tsipras dhe Zoran Zaev i janë drejtuar kombit me nga një mesazh.
“Arritëm një marrëveshje historike me Greqinë. Kjo është një ditë e mirë për Maqedoninë. Me këtë marrëveshje kemi identitetin, gjuhën dhe kulturën tonë”, deklaroi kryeministri maqedonas, Zoran Zaev.
Ndërsa kryeministri grek Alexis Tsipras tha: “Arritëm marrëveshjen me Zoran Zaev. Fqinjët tanë do të njihen nga 140 shtete si Republika e Maqedonisë së Veriut”.
Marrëveshja do të nënshkruhet nga ministrat e Jashtëm të vendeve respektive në fundjavë.
