Partia Socialiste do të mbledh paraditen e sotme, në qytetin e Durrësit, Asamblenë e saj për të zgjedhur Kryesinë e partisë.
Përmes një postimi në rrjetet sociale, kryeministri Edi Rama ka pulblikuar mëngjesin e sotëm edhe pamjet nga brenda sallës ku do të mblidhet Asamblejë.
Kreu i qeverisë shkruan se sot Partia Socialiste do të ndërtojë skuadrën e re për Shqipërinë 2030.
“Me me këtë pamje nga salla ku sot në Durrës do të zgjedhim ekipin drejtues të Partisë Socialiste, e do të nisim punën për të ndërtuar skuadrën tonë të re përfaqësuese PS2030 për SHQIPËRINË2030, ju uroj të diel të bukur”, ka shkruar Kryeministri Rama.
Mbledhja nis në orën 11:00 dhe do të nisë me fjalën e kryeministrit Rama. Asambleja voton sot Kryesinë e re dhe Sekretariatin.
