Partizani arriti një rezultat historik duke mundur me rezultatin e përgjithshëm 3-1 ekipin e Valmieras për të arritur në play-off të Conference League.
Në raundin final, të kuqtë do të përballen me kazakët e Astanës për t’u kualifikuar në fazën e grupeve.
Përpara kësaj përballje ka folur edhe trajneri i njohur në Kazakistan, Almas Kulshinbayev, i cili insiston se Astana do të kualifikohet.
Trajneri u shpreh se ata janë favorit ndaj Partizanit, ndërsa theksoi se janë më të dobët se Ludogores.
“Mendoj se futbolli shqiptar është më i dobët se ai bullgar. Astana është mjaft e fortë për Partizanin dhe duhet të shkojë në fazën e grupeve. Përqindjet janë 60 me 40 në favor të Astanës”, tha Kulshinbayev.
