Sidnei po izolohet nga pjesa tjetër e Australisë pasi një shpërthim i COVID-19 në plazhet veriore të qytetit po përhapet në të gjithë metropolin.
Shtetet australiane filluan të kufizohen nga Sidnei dhe Uellsi i Ri Jugor sot në mëngjes me orën lokale, duke bërë që të anulohet për herë të parë në 76 vjet gara vjetore e jahteve të Sidneit më 26 dhjetor në Hobart.
Zona e plazheve veriore të Sidneit nisi një bllokim 4 ditor të shtunën mbrëma por kryeministrja e Uellsit të Ri Jugor, Gladys Berejiklian paralajmëroi se kufizimet mund të zgjerohen në të gjithë qytetin nëse do të kishte më shumë infeksione.
Rastet e identifikuara në plazhet veriore gjatë tre ditëve të fundit kanë tronditur vendin, pasi COVID-19 ishte zhdukur pothuajse tërësisht në Australi që nga tetori, falë bllokimeve të rrepta.
Tipi i virusit i gjetur në Sidnei besohet se e ka zanafillën në SHBA por nuk është identifikuar ende një pacient zero.
