Personi që të enjten mbrëma la të plagosur 9 persona në Dusseldorf të Gjermanisë, sipas mediave gjermane, është nga Kosova.
Policia gjermane e ka konfirmuar se personi që sulmoi 9 persona me anën e një sëpate, është nga Kosova por që jetonte në Wuppertal, identifikuar si Fatmir H.
“Të enjten mbrëma, një 36-vjeçar nga Kosova që jeton në Wuppetal, lëndoi disa persona me anë të një sëpate. Më pas ai iku nga stacioni duke kërcyer nga ura. Autori pësoi disa lëndime. I njëjti ka qenë polic dhe vuan nga sëmundje mendore”, shkruan policia gjermane në faqen e tyre.
Policia nuk e përjashton mundësinë që autori mund të ketë edhe një të kaluar terroriste.
Disa persona kanë mbetur të plagosur në stacionin qendror të trenave në Dusseldorf të Gjermanisë.
