25 nëntor 2015 – Gjykata e Krimeve të Rënda dha këtë të mërkurë vendimin për bashkëpunëtorët e pilotit italian Xhorxho Riformato të kapur me drogë në plazhin e Divjakës.
Gjashtë të pandehurit përfituan uljen e dënimit me 1/3 për shkak se ishte pranuar kërkesa e tyre për gjykim të shkurtuar.
Dënimet:
-Sajmir Bajramaj, u dënua me 14 vjet burg, do të kryejë 9 vjet e katër muaj burg
-Mariglen Ymeraj, nga 14 vjet burg – 9 vjet e 4 muaj,
-Aurel Pupe, nga 10 vjet burg – 6 vjet e 8 muaj,
-Orgest Bilbili, nga 11 vjet burg – 7 vjet e 4 muaj,
-Kristian Demçe, nga 11 vjet – 7 vjet e 4 muaj,
-Kleviol Ahmeti nga 10 vjet burg – 7 vjet e 4 muaj.
Ndërsa piloti italian Riformato po gjykohet veçmas nga anëtarët e tjerë. Ai nuk e ka pranuar akuzën dhe procesi ndaj tij po vijon normalisht në Gjykatën për Krime të Rënda.
/portali DurresLajm/
