Një nënë e dy fëmijëve, e cila u hodh përmes një grope akulli në një lumë të ngrirë për të shënuar Epifaninë Ortodokse, u rrëmbye nga rrymat e forta dhe si pasojë gjeti vdekjen.
Kjo video shqetësuese tregon gruan, 40 vjeçe, duke u zhytur në lumin Oredezh pranë Vyra, një fshat në jug të Shën Petersburg, Rusi, të mërkurën.
Pati panik të menjëhershëm pasi gruaja, që mendohet se ishte një avokate nga Shën Petersburgu, u tërhoq nën akull nga një rrymë e fuqishme prej rreth 10 këmbë në sekondë.
Fëmijët e saj të pikëlluar bërtasin dhe njëri dëgjohet duke bërtitur ‘Mama, Mama’, ndërsa një grua përpiqet t’i ngushëllojë.
Pasi një shoqërues bërtet për ndihmë, një burrë që besohet të jetë bashkëshorti i gruas, shihet duke u zhytur në gropën e akullit, por ai nuk mund ta gjejë atë. Po ashtu, zhytësit e shpëtimit nuk mundën të gjenin trupin e saj.
Avokati, nga Shën Petersburgu, synonte të zhytej në ujëra për të shënuar Epifaninë e krishterë ortodokse në një traditë të ndjekur çdo vit nga qindra mijëra besimtarë rusë. Njerëzit besojnë se uji i bekuar për ceremoninë vjetore ka veti të veçanta shëruese.
Disa njerëz hyjnë vetë në ujërat e akullta, ndërsa të tjerë shpesh marrin pjesë në festë në grupe teksa kujtonin pagëzimin e Jezusit në lumin Jordan.
