Bekim Balaj i “shkel syrin” Luana Vjollcës? Siç duket, sulmuesi shkodran i kombëtares, që është ende duke shijuar momentin e të qenurit “singel”, pra jo i impenjuar, fejuar, apo martuar, si shumica e lojtarëve kuqezi, ka shfrytëzuar rastin e programit “Të çmendur pas…” tek “E diell” dhe ka shkëmbyer disa batuta me Luana Vjollcën. Moderatorja e ka pyetur Balaj sepse ai është shumë i komentuar për sa i përket historive të dashurisë me vajzat e ekranit, dhe futbollisti nuk ka stopuar me komplimente për moderatoren , duke i thënë se i ka sytë shumë të bukur, etj.
“Kam edhe një kërkesë meqë doli dielli mund edhe të lirohesh pak, ta heqësh pallton”, ka thënë Balaj dhe Luana i kërkoi që shkonte t’ia hiqte ai. Futbollisti Balaj nuk ka hezituar ta bëjë këtë gjë madje i ka qëndruar moderatores shumë pranë.
Tjetër moment flirti mes tyre ka qenë ai kur futbollistët firmosën fanellën për Luanën dhe ajo e veshi menjëherë atë, duke premtuar se do ta mbante në çdo ndeshje të Kombëtares. Bekimi ju afrua përsëri dhe i’a lidhi bluzën moderatores.
“Bekimi po kujdeset të më duket beli”, ka thënë Luana. “Jo në fakt bluza ishte shumë e gjatë dhe të mbulohej diçka tjetër”, ka thënë Bekim Balaj duke nënkuptuar të pasmet e rrumbullakosura të Luanës.
