Anëtarët e PD-së në Këshillin e Mandateve, kanë deklaruar se edhe sot nuk është zhvilluar mbledhja, me qëllim shqyrtimin e kërkesës së Prokurorisë së Posaçme për heqjen e imunitetit të zv.kryeministres Belinda Balluku, çka i hap rrugë arrestimit të kësaj të fundit.
Sipas PD-së, Kuvendi me urdhër nga kryeministri po mban peng mbledhjen e Këshillit të Mandatve. Ata shprehen se kryeparlamentari Niko Peleshu po vazhdon t’i mbajë të kyçyra zyrat e Kuvendit.
“Kuvendi, me urdhër politik të Edi Ramës, vazhdon të mbajë peng mbledhjen e Këshillit të Mandateve. Ndryshe nga sa përcakton rregullorja, sipas së cilës mbledhja e Këshillit mund të thirret nga 5 anëtarë, Niko Peleshi vazhdon t’i mbajë të kyçura zyrat e Kuvendit, duke mbrojtur të korruptuarën Belinda Balluku. Deputetët e PD e gjejne derën e sallës së mbledhjes të mbyllur”, shprehen anëtarët e Partisë Demokratike.
