Kur na ndajnë më pak se 48 orë nga procesi zgjedhor i ditës së diel, ish-deputeti i PD-së, Oerd Bylykbashi denoncon kërcënimet që sipas tij po iu bëhen tregtarëve të tregut të fruta-perimeve në Durrës.
Bylykbashi shkruan në Facebook se "banditët e Bashkisë Durrës po ushtrojnë presion mbi personat që shesin tek tregu i fruta-perimeve i Durrësit për t'i detyruar të votojnë ditën e diel bashkë me familjet e tyre."
Krahas postimit, Bylykbashi ka publikuar një mesazh që dëshmon presionin që po bëhet ndaj tregtarëve, sipas ish-deputetit.
POSTIMI I PLOTË:
Banditet e Bashkise Durres po ushtrojne presion mbi personat qe shesin te tregu i fruta-perimeve i Durresit per t'i detyruar te votojne diten e diele bashke me familjet e tyre. Tregtaret jane kercenuar qe nese nuk votojne te dielen, ne 30 qershorin e Edi Rames, atyre do t'u hiqet leja e tregtimit ne tregun e fruta-perimeve.
Tregtaret denoncojne se objektivi i ketyre banditeve me pushtet te PS me ne krye Dakon eshte qe te arrijne te sajojne me cdo kusht dhe cdo menyre 48 perqind te pjesmarrjes ne votim. Kjo eshte veper penale. Por prokuroria e Arta Markut nuk vepron sic nuk ka vepruar per dosjen 339 te vjedhjes se zgjedhjeve ne Durres ne 2017.
