Banka Qendrore Evropiane (BQE) ka vendosur të ulë përsëri normat bazë të interesit, këtë herë nga 2,25% në 2%. Kjo është ulja e tetë radhazi që prej qershorit 2024 dhe sinjalizon një vazhdimësi të politikës monetare lehtësuese.
Disa analistë mendojnë se ky mund të jetë ndryshimi i fundit për këtë cikël, por të tjerë argumentojnë se kushtet aktuale ekonomike mbeten të favorshme për politika të tilla.
Pse po i ul BQE normat?
Së pari për të mbajtur inflacionin nën kontroll: Në maj 2025, inflacioni në Eurozonë ishte 1,9%, pra afër objektivit të BQE prej 2%. Ulja e inflacionit pritet si pasojë e rënies së çmimeve të energjisë dhe forcimit të euros.
E së dyti, për rritje ekonomike e moderuar: Parashikohet rritje e PBB-së: 0,9% (2025), 1,1% (2026), 1,3% (2027).
Çfarë ndryshon për familjet dhe bizneset
- Kreditë me hipotekë me interes të ndryshueshëm: Ulja e normave do të thotë ulje të kësteve mujore për shumë familje.
- Kreditë personale dhe konsumatore: Normat më të ulëta mund të sjellin kredi më të lira për individët.
- Tregu i obligacioneve (BTP): Obligacionet e reja do të kenë kthime më të ulëta, por ato ekzistuese me kuponë më të lartë do të bëhen më tërheqëse.
- Tregjet e aksioneve: Politika lehtësuese mund të nxisë investime në bursa, për shkak të uljes së interesave në tregjet e borxhit.
BQE po përpiqet të ruajë një ekuilibër delikat, të nxisë rritjen ekonomike, por pa lejuar rikthimin e inflacionit. Ulja e normës bazë e bën kreditimin më të lirë, por edhe rrit ndjeshmërinë e tregjeve ndaj zhvillimeve globale.
