Basha me mësuesen e klasës së parë: Kushte të pafavorshme për ta, premtoj se ditë më të mira do të vijnë

Në urimin për 7 Marsin, kryedemokrati Lulzim Basha ka kujtuar mësuesen e tij të parë.

Në një postim në Facebook, Basha shkruan se mësuesit punojnë në kushte të pafavorshme ndaj edhe meritojnë ta festojnë këtë festë me premtimin se ditë më të mira do të vijnë.

“Është kaq e natyrshme që çdo 7 mars sjell ndër mendje mësuesen e klasës së parë. Dhe po kështu të çdo mësuesi dhe pedagogu që ka qenë pjesë e jetës dhe e dijes në çdo hap që kemi hedhur si nxënës dhe studentë.

Ndaj sot dua t’ju uroj nga zemra festën të gjithë arsimtarëve në Shqipëri, të gjithë mësuesve që përtej çdo vështirësie janë përçuesit e përkushtuar dhe të pazëvendësueshëm të dijes tek fëmijët dhe të rinjtë tanë. 

Për lodhjen e përditshme, kushtet shumë herë të pafavorshme të mësimdhënies dhe dinjitetit njerëzor, ata meritojnë të festojnë sot 7 marsin me urimin, shpresën dhe premtimin se ditë më të mira do të vinë për arsimtarët tanë”, shkruan Basha.