Janë luajtur ndeshjet e vlefshme për javën e 17-të të kampionatit kombëtar në basketbollin e femrave, ku Teuta shënoi një fitore të thellë në shtëpi. Fitore treshifrore për Teutën në shtëpi kundër Elbasanit me rezultatin 104-66 (35-13, 15-22, 27- 16, 27-15). Një takim pa histori, i dominuar nga ekipi durrsak. Aniylah Bryant me tripletë dyshifrore, 32 pikë, 13 kërcime dhe 13 asistime si dhe Jainaya Jones me 28 pikë, 8 kërcime dhe 7 asistime shkëlqyen në suksesin e Teutës.