Komisioni Evropian njoftoi sot (2/9) dërgimin e ndihmës humanitare, 1 milion euro dhe 130 ton materiale për të prekurit në Afganistan pas tërmetit vdekjeprurës, i cili mori jetën e më shumë se 1,100 personave, duke lënë pas më shumë se 3,000 të plagosur dhe 8,000 shtëpi të dëmtuara.
Në veçanti, zëdhënësja e shtypit e Komisionit, Eva Hrdchirov, deklaroi se ndihma për Afganistanin është tashmë në rrugë e sipër.
“Ne reaguam menjëherë ndaj lajmit të pakëndshëm për tërmetin. Dy fluturime me ndihmë humanitare nga BE pritet të mbërrijnë në Kabul brenda javës, duke transportuar 130 ton artikuj thelbësorë si tenda, ilaçe, ujë, veshmbathje dhe artikuj higjiene”, u shpreh ajo.
Përveç kësaj, Komisioni Evropian ka vënë në dispozicion 1 milion euro nga Fondi i Emergjencës për vendet dhe partnerët që mund të ofrojnë ndihmë në terren. “Kjo paketë i shtohet angazhimit tonë të gjatë për të mbështetur Afganistanin”, tha ajo.
