Belind Këlliçi denoncon në SPAK Elton Buallin: Është drejtori i Inceneratorit të Tiranës

Belind Këlliçi ka denoncuar sot në SPAK, Elton Buallin, atë që ai e quan drejtori i Inceratorit të Tiranës.

Në një komunikim për mediat nga jashtë ambienteve të SPAK, ish deputeti demokrat tha se ky person ka marrë 500 mijë euro nga Klodian Zoto për të marrë një truall nëe Sharrë.

Sipas Këlliçit, Bualli përmes Stela Gugallias ka aplikuar në AZHBR dhe ka përfituar 310 mijë euro fond nga IPARD.

“Kemi denoncuar një anëtar të grupit kriminal të inceneratorit të Tiranës, Elton Bualli. Konfliktet dhe denoncimet e para për këtë individ kanë nisur në përballjen që kemi pasur në landfillin e Sharrës për të bërë denoncimin. Këtë individ SPAK e ka harruar që ky është  drejtori i inceratorit të Tiranës.

Ky individ ka marrë 500 mijë euro nga Klodian Zoto për të marrë një truall në landfillin e Sharrës dhe më pas për të aplikuar përmes Stela Gugallias në AZHBR dhe për të përfituar 310 mijë euro nga fondet e programit IPARD. Pra paratë që duhet të merrnin fermerët i ka marrë ky më Stela Gugallian”, tha Belind Këlliçi.