Pedro Pablo Santo Domingo ishte aq i lumtur kur u zbuloi se do bëhej baba saqë vendosi ta bënte tatuazh në trup emrin e pasardhësit të tij. Ai shkroi "Benjanmin", emrin e djalit në kurriz por më vonë zbuloi një fakt të tmerrshëm, fëmija nuk ishte i tij.
Një muaj pasi bëri tatuazhin, kolumbiani gjeti në telefonin e partneres një bisedë që ajo kishte bërë me ish të dashurin, ku i shkruante se dëshironte të kthehej me të.
I lënduar nga ajo që lexoi, Santo Domingo vendosi ta vazhdonte bisedën derisa gjeti të vërtetën, se nuk ishte babai i foshnjes që pritej të vinte në jetë.
I riu vendosi të përballej me gruan dhe kërkoi që sapo fëmija të lindte, t'i nënshtrohej testit të ADN, i cili konfirmoi dyshimet e tij, nuk ishte babai i fëmijës.
Lajmi nuk u prit mirë nga Santo Domingo, i cili u përpoq të shkatërronte shtëpinë ku jetonte me gruan. Fqinjët lajmëruan policinë për të shmangur ndonjë tragjedi. Ai u arrestua nga policia por u lirua më vonë.
