TIRANË,15 tetor 2013 – Ish-Kryeministri Sali Berisha mbush sot 69 vjeç! Këtë lajm ai e ka dhënë vetë: “Të dashur miq, sot unë festoj ditëlindjen!”
Duke dashur ta ndajë festën e tij familjare me mbështetësit e vet në Fb, Berisha e përgjithëson gëzimin e tij:
“Kjo është mbi të gjitha një ditë urimi më e perzemërt dhe e mirënjohjes më të thellë:
para së gjithash për Zotin, që më dha mundësi të festoj ditëlindjen time të 69-të në shëndet dhe përkushtim të plotë; për familjen time që me dashurinë, mbështetjen, sakrificën e pakufishme ka qenë dhe është Eleksiri i vërtetë i jetës dhe i çdo gjëje që unë kam arritur gjatë saj;për të gjithë miqtë dhe bashkëpuntorët e mi, vajza, djem, burra, gra të mrekullueshëm që me bashkëpunimin luajal dhe mbështetjen e tyre të çmuar kemi ndërtuar dhe do ndërtojmë së bashku ëndrrat dhe idealet tona më fisnike.
Por unë kam sot një urim të përzemërt dhe miqësor për të gjithë miqtë e rrjetit tonë social që festojnë sot ditëlindjen.
Le t'u urojmë së bashku atyre, jetë të gjatë, plotë gëzime, shëndet, suksese dhe mbarësi për veten dhe familjet e tyre. Gëzuar!”- e përfundon Berisha, mesazhin e tij.
