Ish-kryeministri Sali Berisha në fjalën e tij të përnatshme të mbajtur përpara simpantizantevë në ballkonin e banesës, ku ndodhet në arrest shtëpie, i është rikthyer periudhës së Covid.
Berisha ka falësuar qeverinë për kohën e koronavirusit.
Ai ka thënë se tirania e qeverisë ka vrarë më shumë shqiptarë se Enver Hoxha.
“Tirania më e shëmtuar, më e pamëshirë, më e keqe që kanë përjetuar ndonjëherë shqiptarët është tirania e varfërisë nga vjedhjes nga qeveritarët.
Çdo shqiptar dhe shqiptare duhet ta dijë se aktualisht tirania më e shëmtuar, më e pamëshirë, më e keqe që kanë përjetuar ndonjëherë është tirania e varfërisë nga vjedhjet dhe plaçkitjet e qeveritarëve.
Diktatura staliniste më e egra që Europa njohur pas asaj të Hitlerit, diktatura e Enver Hoxhës, ekzekutoi me gjyq dhe pa gjyq mbi 7000 qytetare dhe qytetarë shqiptarë. Dergji dhjetëra mijëra të tjerë në kampet e përqendrimit.
Por tirania e vjedhjes, tirania e varfërimit nga vjedhja vetëm me Covidin, mori më shumë krahasuar me vendet e tjera, 10 mijë jetë. Në total 20 mijë, por 10 mijë më shumë në proporcion se në Kosovë, Maqedoni, Mal i Zi, e çdo vend në Europë.
Tirania e vjedhjes së taksave, pasurive publike merr jetë njerëzish çdo ditë për mungesë ilaçesh, pamundësi operacioni.
Mbasi sot për shkak të vjedhjeve, çdo qytetar shqiptar për të patur shërbimin shëndetësor, duhet të paguajë sipas Bankës Botërore, 60 për qind nga xhepi i tij”, tha Berisha.
