Ish-kryeministri Sali Berisha ka replikuar me deputetin Ervin Salianji sa i takon Reformës në Drejtësi.
Në seancën plenare të kësaj të enjteje, Berisha publikoi një video nga një deklaratë e Bashës, ku e cilësonte vettingun një projekt korruptiv.
“Komploti është zbuluar. Projekti i Vettingut është një projekt mafioz ku janë përfshirë diplomatë të lartë në Tiranë për llogari të Edi Ramës. Kanë marrë peng ekspertët e BE-së, bashkëkomplotistët e tu janë dekonspiruar dhe i pret gjykimi në institucionet ndërkombëtare”, thoshte Basha.
Berisha më pas iu drejtua deputetëve të PD duke iu thënë se ju kanë marrë peng.
“Ligjet e vettingut u votuan pa miratimin e PD-së, u votuan në shkelje të marrveshjes që kishim rënë dakord bashkarisht . Ju, ju kanë marrë peng”, tha Berisha.
Ndërkohë, kryedemokrati zgjodhi që të mos përgjigjej.
Ish-kryeminsitri Berisha ka shprehur votën e tij kundër zgjatjes së afatit të organeve të vettingut.
