Pas përfundimit të mbledhjes së PD-së me Kryesinë, jashtë selisë blu, Berisha tha në një prononcim për mediat se opozita do të vijojë kryengritjen popullore.
Berisha e konsideroi 30 qershorin si "groposje të vlerave të demokracisë", ndërsa shtoi se është jetike që opozita të qëndrojë besnike e vlerave.
"Vlerat e demokracisë të groposur më 30 qershor me farsën moniste të rivendosen një minutë e më parë, ndaj edhe thirrje mbarë qytetarët shqiptarë të vazhdojmë betejën deri në fitoren tonë të plotë akt mençuro i PD që nuk u bë pjesë e farsës së narkoshtetit, farse elektorale ku baronët e drogës e krimit me pushtet e në shpellat e drogës vendosin për fatin e qytetareve është jetike që opozita të qëndrojnë e papërlyer, besnike e vlerave dhe për asnjë sekondë fasadë e regjimi të urryer që kanë pasur shqiptaret nga koha e Enver Hoxhës deri sot zgjedhjet janë të dënuara me vdekje, nuk ishin zgjedhje ato, cilido që mendon le të rikujtojë pak konventën evropiane të të drejtave të njeriut për votën, zgjedhjet për të gjitha këto.
KiE bojkotoi vëzhgimin e zgjedhjeve se nuk mund të vëzhgonte farsën, këto janë qëndrime të drejta të popullit e lidershipit. Më 13 tetor a do të marrë pjesë opozita? Më lejoni tu them shqiptarëve vetëm një gjë, edhe misioni i ODIHR që e kryesoi famozja Glover, që njihen marrëdhëniet e mia me të, edhe ai me qartësi të plotë ligjore deklaroi se këto zgjedhje janë antikushtetuese në vend. Deklaroi se dekreti i presidentit është në fuqi, e sfidohet jo nga narko-komisionerët e PS në KQZ. Duhet ti njoh një meritë, flas për grupin e ekspertizës ligjore, ODIHR deklaroi se dekreti i presidentit mund të gjykohet nga Kushtetuesja", tha Berisha.
