Bes Kallaku dhe Xhensila Myrtezaj, kanë ”pushtuar” portalet me lajmet e ndarjes, dhe tani shkruhet se janë në proces divorci.
Sipas ”Dritare/net”, Xhensila ka ndërmarrë hapin ligjor për t’i dhënë fund martesës disavjeçare me aktorin e humorit.
Dyshimet për një krizë mes çiftit kanë nisur prej ditësh, kur u kuptua se ata nuk e ndiqnin njëri-tjetrin në rrjete sociale.
Përveç kësaj, Xhensila dhe Besi nuk janë parë bashkë prej javësh në evente apo ambiente të përbashkëta, shkruajnë portalet.
Sipas lajmeve që qarkullojnë, Besi nuk ka qenë dakord për këtë vendim të këngëtares.
Së fundmi, Xhensila ka qenë e vetme në Dubai dhe pritet të kthehet në Tiranë për të nisur koncertet gjatë fundjavës.
Kjo nuk është kriza e parë e çiftit të njohur. Momentalisht nuk ka asnjë reagim nga Xhensila dhe Besi, të cilët janë prindër të dy fëmijëve, Ajkës dhe Amenit.
